Í annaðkvøld hittast KÍ og NSÍ í útsetta dystinum í fyrsta umfari í kappingini um løgmanssteypið.
Í kvøld var í 3 – 2 ítróttarsendingini hjá Kringvarpinum drigið um, hvussu liðini skulu hittast í fjórðingsfinaluni.
Lutakastið lagaði tað soleiðis, at vinnarin av útsetta dystinum í Klaksvík skal spæla á heimavølli ímóti 07 Vestur.
Mett út frá støðutalvuni í landskappingini verður talan um favorittar - KÍ/NSÍ, HB, B36 og Víkingur.
Steypavinnararnir í HB skulu spæla á útivølli ímóti B71, og B36 skal eisini úr Gundadali. Árstalsfelagið skal spæla í Hólmanum á Eiði ímóti EB/Streymi.
Í Fløtugerði í Fuglafirði verður grannauppgerð millum ÍF og Víking.
Fjórðingsfinalurnar vera sunnudagin 30. mai.
B71 – HB
EB/Streymur – B36
ÍF – Víkingur
KÍ/NSÍ – 07 Vestur
