Tað letur til, at blaðungu genturnar í Klaksvíkar Róðrarfelag rættuliga hava funnið áralagið umborð á Fípuni Føgru. Tá ið barnaróðurin fyri gentur var í Klaksvík, var tað Títlingur, sum vann, meðan Fípan Fagra var næstfremst. Í Hvalvík á Sundalagsstevnu fyri einari viku síðani var Fípan Fagra nummar eitt, meðan Spógvin av Glyvrum var næstfremstur.
Í dag er Fjarðastevna á Skála, og aftur í dag vóru tað tær á Fípuni Føgru, sum fóru fyrst um málstrikuna. Hesa ferð var tað í tættari kapping við Títlingin, sum var ein skut aftari. Firvaldur vann bronsuna í tættari kapping við Jallin.
Í kappingini millum dreingjabátarnar vóru dreingirnir úr Miðvági umborð á Beintu aftur í dag stinnastir. Teir vunnu tæltta kapping við Junkarin úr Kvívík. Dreingirnir úr Kvívík vunnu í Klaksvík, men so vunnu teir úr Miðvági í Sundalagnum, og aftur í dag vóru teir úr Miðvági stinnastir.
Barnaróður dreingir
1 Beinta 02:48.19
2 Junkarin 02:50.04
3 Jomfrúgvin 03:10.20
4 Ternan 03:15.05
Støðan
1 Junkarin 18
2 Jomfrúgvin 17
3 Beinta 14
4 Ternan 13
Barnaróður gentur
1 Fípan Fagra 02:48.21
2 Títlingur 02:49.04
3 Firvaldur 02:51.05
4 Jallurin 02:51.13
5 Spógvin 02:52.07
6 Beinta 02:59.13
7 Hulda 03:01.10
8 Pílur 03:02.23
9 Falkur 03:12.21
10 Royndin Fríða 03:23.14
Støðan
1 Fípan Fagra 20
2 Títlingur 17
3 Jallurin 14
4 Spógvin 13
5 Firvaldur 11
6 Hulda 5
7 Beinta 3
8 Falkur 1
9 Pílur 0
10 Royndin Fríða 0
mynd: krf.fo
