Fólkatalið økist norðanfyri og minkar sunnanfyri

Sambært yvirlitinum hjá Hagstovuni yvir fólktalið higartil í ár vísir, at tað er eitt greitt mynstur, ið ger seg galdandi. Tað er í suðurøkinum, at fólkatalið gongur aftur, meðan tað gongur fram norðanfyri Skopunarfjørð.

Í teim støðum, har fólktalið gongur økist, er tað sum vant í Havn, at tað serliga gongur fram. Frá 1. januar til 1. juni í ár, er fólktalið í Havn økt við 146 fólkum.

Aðrar kommunur ganga eisini fram. Í Sunda kommunu er fólkatalið farið fram við 36 fólkum og í Sjóvar kommunu, er fólkatalið økt við 23 fólkum.

Størsta fólkaminking í tølum er í Tvøroyrar kommunu, har tað er minkað við 13 fólkum síðan 1. januar og í Sands kommunu, har minkingin er 7 fólk. 

Størsta lutfalsliga øking er farin fram í Norðurstreymoy, har tað er vaksið við 0,9 prosentum, meðan størsta minkingin er í Sandoy, har tað er minkað við tilsamans 0,8 prosent.

Sí yvirlit niðanfyri: