Besta mansliðið hjá føroyska útisetafelagnum í Keypmannahavn, ÍF Føroyum, stevnir mótvegis uppflyting til Keypmannahavnarseriuna. Um vikuskiftið vunnu teir trygt 5-1 á útivølli ímóti Rødovre BK. Málini skutu Rasmus Nielsen, Páll Mohr Joensen, Emil N. Leifsson, Jákup Olsen og Pætur Jørgensen.
ÍF Føroyar á fremsta plássi í Seriu 1, bólki 2, og er nú seks stig frammanfyri Dragør og HB. Dragør hevur tó leikt ein dyst færri enn ÍF Føroyar.
Næsti dystur hjá ÍF Føroyum verður ein oddadystur ímóti júst Dragør. Hann verður spældur á útivølli í kvøld kl.18.30 føroyska tíð.
