Tað var á útivølli, at føroyska liðið spældi ímóti BK Fix, sum undan dystinum lá trý stig frammanfyri ÍF Føroyar. Men við einum hópi, sum hevur fingið góðan styrk eftir summarsteðgin, hava vónirnar verið góðar til føroyska liðið. Tað var úrslitið hinvegin ikki, tá farið var av vøllinum í dag, tí ÍF Føroyar tapti 3-1.
ÍF Føroyar kom annars væl frá byrjan. Johan V. Gunnarsson breyt ígjøgnum í vinstru og legði innfyri, har verjuleikari beindi bóltin í egið net, og harvið legði ÍF Føroyar framum.
Men tað eydnaðist tó BK Fix at javna fyri steðgin, so hálvleiksstøðan var 1-1.
Í seinna hálvleiki eydnaðist tað BK Fix at fáa tvey mál aftrat, meðan tað hildnaðist minni væl hjá føroyingunum, sum soleiðis taptu ein annars hampiliga javnan dyst.
Hetta var fimti dysturin eftir steðgin og fjórða tapi. Men við styrkinum, liðið hevur fingið eftir summarsteðgin, verður bæði vóna og mett, at úrslitini hjá ÍF Føroyum fara at vera betri næstu dystirnar.
Næsti dysturin hjá besta mansliðnum hjá ÍF Føroyum verður leygardagin kl. 15.00 lokala tíð á Kløvermarkini á Amager, tá ØKF vitjar.
