Várkonsert við kórinum Eystanljóð verður í Leirvíkar kirkju leygardagin kl.
17.
Á konsertini fer kórið at syngja traditionellar føroyskar vár- og
summarsangir og sálmar. Kórið Eystanljóð var seinast í mars mánaða ein túr
í Dublin, har sungið var í St Patricks Cathedralinum, og er tað sama skrá, ið
verður tikin fram til hesa várkonsertina í Leirvíkar Kirkju.
Kórleiðari hjá Eystanljóð er Petur Martin Johannesen. Petur Martin hevur verið kórleiðari seinastu 4 árini, men verður hettar hansara seinasta konsert í hesum umfarinum, tí Petur Martin hevur valt at fara undir annað virksemi.
Hesum boðar Eystanljóð frá í dag.
