Støðan í Tvøroyri eftir ógvusliga eldin, sum kyknaði fríggjamorgunin er óbroytt.
- Enn er økið avbyrgt, tí vandi er fyri, at tak, veggir og lutir annars rapa, sigur Jens Vang, løgreglumaður á Tvøroyri.
Jens Vang greiðir frá, at enn verður arbeitt á staðnum fyri at tryggja økið. Tá tað verður trygt at fara inn á økið skal politii gera kanningar, men enn ber ikki til at siga, nær tað verður.
- Støðan er óbroytt, og vandin er har enn. Tí skulu fólk halda seg burtur har frá, sigur hann.
