Tað er nú endaliga staðfest, at 61 ára gamli maðurin, sum varð funnin deyður í fyrrakvøldið, er deyður tí at hann er stungin við knívi.
Líkið er kannað í dag og har varð endaliga staðfest, at maðurin doyði av stingløsti við knívi.
Politiið kann tó ikki siga meiri um úrslitið av kanningini, men í rættinum í gjár varð staðfest, at hann fekk ein knív í bringuna.
Kriminalteknisku kanningarnar verða væntandi lidnar í dag og eftir ætlan fara kriminalteknikarnir, sum komu úr Danmark í gjár, aftur til Danmarkar í morgin.
- Fleiri avhoyringar verða gjørdar í málinum og eitt drúgt arbeiðið liggur fyri framman, áðrenn málið endaliga kann leggjast fyri rættin, sigur Bergleif Brimvík, politikommisserur.
Les eisini: Noktar seg sekan
Les eisini: Mátti fáa klæðir úr fongslinum
Les eisini: Skuldsettur fyri dráp: Fongslaður í fýra vikur
