Tann 25. september vardi Elma á Geilini Ortind sína MSc-ritgerð.
Heitið á ritgerðini er "Seasonal variations in growth, yield and amino acid profile of sugar kelp (Saccharina latissima) cultivated in a sound in the Faroe Islands".
Elma hevur lisið matvøruverkfrøði á DTU (Danmarks Tekniske Universitet), og serritgerðin hevur verið skipað sum eitt samstarv millum DTU og Fiskaaling.
Vegleiðarar hava verið Susan Løvstad Holdt og Charlotte Jacobsen frá DTU og Agnes Mols-Mortensen frá Fiskaaling.
Elma á Geilini Ortind fekk karakter 12, ið er hægsti karakterur, sum givin verður fyri ritgerðina yvirhøvur.
