Eldraráðið í Havn hevur sent øllum borgarum í kommununi, sum eru 60 ár og eldri, eitt spurnarblað, so tey kunnu geva myndugleikunum fult yvirlit yvir tørv teirra eldru Eldraráðið í Tórshavnar kommu heldur tað vera av størsta týdningi, at tey eldru sjálv eru við til at áseta eldrapolitikkin í kommununi. Tí hevur ráðið sent borgarum, sum eru 60 ár og eldri áheitan um at svara spurningum, sum eru sendir teimum.
Endamálð er at geva kommununalu myndugleikunum fult yvirlit yvir tørv og ynski borgaranna.
Fyrsta valið til eldraráð var í november 2005. Fimm limir eru í ráðnum. Allir borgarar í kommununi, sum eru fyltir 60 ár, kunnu stilla upp til eldraráðið. Val til eldraráðið er fjórða hvørt ár fyrstu viku í oktober. Hetta fyrsta valskeiðið gongur út 31. desember 2008, og 1. januar í 2009 tekur nýggja eldraráðið við.
Limirnir í eldraráðnum eru:
Marita Arge Magnussen, forkvinna
Súni Vinther
Elinborg Trónd Johansen
Jákup Lindenskov
Anna Sofía Poula Apol
