Fólk eru tíbetur vorðin meira bevíst um tað, sum liggur og sløðist og skemmir í náttúruni.
Soleiðis var eisini herfyri, tá ein borgari á Sandi sá eitt stórt trol liggja og rekast í fjørðuni Yviri í Urð.
Gróthúsvatn og umhvørvið um hesar leiðir er náttúruvakurt, og eftir vegnum millum vatnið og fjøruna koyra oyggjafólk og ferðafólk, sum vitja í Søltuvík.
Herfyri boðaði ein borgari Sands kommunu frá, at eitt stórt trol var rikið á land Yviri í Urð.
Fólk hjá kommununi fóru á staðið, og Finnleif Fagradal varð spurdur, um hann vildi taka trolið upp við kranabili og beina tað burtur.
- Gott, at eingin bátur ella skip fekk trolið um skrúvuna og gott, at tann, sum fann trolið, bant tað fast og boðaði frá, siga tey í kommununi.
##med2##
