Jóhan á Plógv Hansen og liðfelagar hansara í BSV eru eitt fet nærri sigrinum í donsku landskappingini, eftir at teir í kvøld funnu fyrru finaluna 27-20 móti Team Tvis Holstebro.
Í Silkeborg smurdi Bjerringbro-Silkeborg Team Tvis Holstebro av framman fyri 2845 áskoðarum, sum er nýtt met í Silkeborg.
Heimaliðið setti seg tíðliga á dystin og TTH mátti stríðast fyri at megna at fylgja við væluppløgdu BSV-spælarunum.
Eftir 20 minuttir var støðan 11-5 og í hálvleikinum var støðan 16-10 til BSV.
Jóhan á Plógv Hansen var eyðsýndur í semifinaluni, men í dag megnaði hann ikki at seta dám á dystin í sama mun. Eitt mál bleiv tað tó til í dystinum.
Team Tvis Holstebro skal nú vinna seinnu finaluna leygarkvøldið við minst átta málum. Hetta verður fyrsta meistaraheitið í søgu felagsins, um BSV megnar at hóra undan leygarkvøldið.
