Tað gekk, sum tað plagar, tá ið 6-mannaførini við kvinnum kappaðust á Vágsfirði. Jarnbardur legði seg beinanvegin framum hinar bátarnar, og Jarnbardur helt tørn um oddasessin allan túsund metra teinin.
Sí myndir av jóansøkuróðrinum við at trýsta HER
Eingin kapping var um plaseringarnar. Lómur var eina stóra bátslongd aftanfyri Jarnbard, og Sølmundur var tvær bátslongdir aftanfyri Lóm.
Sigurin ber við sær, at Jarnbardur eftir fýra kappingar hevur fult stigatal – 28 stig, og harvið er tað millum lítil og eingin kapping um FM heitið.
| 1 | Jarnbardur | 05:18.12 | ||
| 2 | Lómur | 05:21.14 | ||
| 3 | Sølmundur | 05:27.05 |
| 1 | Jarnbardur | 28 | ||
| 2 | Lómur | 23 | ||
| 3 | Sølmundur | 21 |








