Í nátt varð løgreglan boðsend til eina uppgávu, sum var av tí heilt sjáldsama slagnum. Løgreglan sigur, at tá ið ein kvinna í Havn skuldi fara at leggja seg í nátt, uppdagaði hon, at ein fremmandur maður lá í seingini. Tá ið løgreglan kom á staðið og fekk tosa við mannin, vísti tað seg kortini ikki, at tað var í nakrari ringari meining.
Maðurin skuldi gista hjá vinfólki, men tá ið hann skuldi til húsar, snaraði hann inn í túnið eini hús ov tíðliga og var sostatt endaður í skeivum húsum av óvart.
Løgreglan sigur, at tískil varð málið loyst í øllum góðum við tað, at maðurin fór í røtt hús og so slapp kvinnan at leggja seg.
