Reuters veit í morgun at siga, at eitt fólk læt lív og trý vórðu særd í einum dronuálopi á russiskan havnarbý í nátt.
Talan var um havnarbýin, Temrjuk í Krasnodar-regiónini har suðuri í Russlandi, soleiðis sum kortið omanfyri vísir.
Kelda til tíðindini er russiski guvernørurin í økinum, Veniamin Kondratiev, og hann ber hesi tíðindi á Telegram.
Guvernørurin sigur, at tað er Ukraina, sum stendur aftanfyri álopið.
Ukraina hevur sambært Reuters ikki gjørt viðmerkingar til álopið á russiska havnarbýin, Temrjuk í Krasnodar.
