Edit Andreasen er sett sum deildarleiðari á Gøtubrá, sum er eldrasambýlið í Norðragøtu.
- Edit er 38 ára gomul og býr í Leirvík. Hon er sjúkrarøktarfrøðingur við eftirútbúgving í geriatri og gerontologi.
Á heimasíðuni hjá Eysturkommunu siga tey, at nýggi deildarleiðarin hevur drúgvar royndir innan eldraøkið.
- Seinastu mánaðirnar hevur hon verið virkandi deildarleiðari í Gøtubrá.
Í´Eysturkommunu ynskja tey Edit Andreasen hjartaliga vælkomnari í deildarleiðarastarvið.
- Vit gleða okkum til framhaldandi samstarv, verður lagt aftrat.
