Seinnapartin gamlaársdag fekk løgreglan í Grønlandi eina fráboðan um eina 30 ára gamla kvinnu, sum varð funnin deyð í íbúð sínari í Uummannaq.
Vaktleiðarin hjá grønlendsku løgregluni, Gedion Quist, sigur við www.sermitsiaq.ag, at málið nú verður kannað sum drápsmál.
- Ein 32 ára gamal maður er handtikin, og hann skal nú til grundlógaravhoyr við kravi um varðhaldsfongsling, leggur vaktleiðarin aftrat, sum kortini ikki hevur fleiri upplýsingar um málið í løtuni.
