Tað var rokaligt móti dystarendanum, tá Everton hevði vitjan av Manchester City um vikuskiftið. Oddaliðið og gestirnir úr Manchester vunnu 1-0 við máli tíggju minuttir fyri tíð, men fáar minuttir seinni átti Everton brotsspark, tá bólturin fór á armin hjá Rodri.
Spanski miðvallarin hjá Manchester City stóð púra einsamallur í brotsteiginum, tá hann rætti hondina út og fekk bóltin í armin. Ella tað meta tey flestu hendi. Í VAR-rúminum kundu tey tó ikki staðfesta við vissu, at bólturin fór bara á armin og ikki á ermuna, sum er lov.
Tað endaði við, at VAR-dómarin metti um støðuna og segði einki brotsspark. Við sigrinum hevur Manchester City enn munin á Liverpool í oddastríðnum, men fyri Everton merkeir tað, at liðið nú er eitt stig frá niðurflyting.
Eftir dystin var venjarin hjá Everton, Frank Lampard, í øðini. Hann helt fyri, at sjálvt trý ára gamla dótturin hevði sæð, at hatta var brotsspark. Hann helt afturat - speiskur á málinum - at hann ikki vildi hava umberingina, sum fór at koma í vikuni.
Bretskir miðlar sum Dailymail skriva í dag, at nú hevur formaðurin í dómarafelagnum, Mike Riley, ringt til Frank Lampard og biðið um umbering, tí tað skuldi verið dømt brotsspark.
1 | Man City | 27 | 21 | 3 | 3 | 64:17 | 66 |
2 | Liverpool | 26 | 18 | 6 | 2 | 70:20 | 60 |
3 | Chelsea | 25 | 14 | 8 | 3 | 49:18 | 50 |
4 | Man Utd | 27 | 13 | 8 | 6 | 44:34 | 47 |
5 | West Ham | 27 | 13 | 6 | 8 | 46:34 | 45 |
6 | Arsenal | 24 | 14 | 3 | 7 | 38:27 | 45 |
7 | Tottenham | 25 | 13 | 3 | 9 | 35:32 | 42 |
8 | Wolves | 26 | 12 | 4 | 10 | 24:21 | 40 |
9 | Southampton | 26 | 8 | 11 | 7 | 34:37 | 35 |
10 | Brighton | 26 | 7 | 12 | 7 | 25:30 | 33 |
11 | Crystal Palace | 27 | 6 | 12 | 9 | 37:38 | 30 |
12 | Aston Villa | 25 | 9 | 3 | 13 | 33:37 | 30 |
13 | Leicester | 23 | 7 | 6 | 10 | 37:43 | 27 |
14 | Newcastle | 25 | 5 | 10 | 10 | 28:45 | 25 |
15 | Brentford | 27 | 6 | 6 | 15 | 27:44 | 24 |
16 | Leeds | 26 | 5 | 8 | 13 | 29:60 | 23 |
17 | Everton | 24 | 6 | 4 | 14 | 28:41 | 22 |
18 | Burnley | 24 | 3 | 12 | 9 | 22:30 | 21 |
19 | Watford | 26 | 5 | 4 | 17 | 25:47 | 19 |
20 | Norwich City | 26 | 4 | 5 | 17 | 15:55 | 17 |