Tað hevur verið rættiliga kalt í Japan í seinastuni, og tað hevur kostað fleiri fjallaklatrarum lívið.
Týsmorgunin komu bjargingarlið fram á tvær kvinnur, sum høvdu roynt at sleppa niðan á fjallið Sennokura í Nigata-landspartinum. Kvinnurnar, sum vóru 54 og 62 ára gamlar, vóru deyðar í kulda. Sjey onnur fólk vórðu flutt á sjúkrahús, og ein 54 ára gamal maður, sum var saman við teimum, er ikki komin afturíaftur. Í gjár leitaðu tyrlur hjá bjargingartænastuni eftir honum.
Í landspartinum Nagano funnu bjargingarlið tveir menn og eina kvinnu, sum vóru deyð í kulda, eftir at tey høvdu roynt at sleppa niðan á tað 2.805 metrar høga fjallið Amidadake. Menninir vóru 47 og 57 ára gamlir, og kvinnan var 45.
