Føroyski Jóhan á Plógv Hansen fekk í dag debut á danska hondbóltslandsliðnum, tá teir vunnu 31-25 á Litava í venjingardysti. Jóhan kom inn á høgra vong í seinna hálvleiki og skoraði trý mál.
Danmark spældi í dag venjingardyst móti Litava. Danska landsliðið er væl betri enn Litava og skuldi undur vanligum umstøðum helst havt vunnið við nógv fleiri málum.
Hóast avrikið var av slakara slagnum, so kunnu føroyingar fegnast um, at Jóhn á Plógv Hansen fekk debut. Umframt debut og trý mál, so mettu viðmerkjarnir á TV2, at føroyski vongurin kom væl frá uppgávuni.
