Í annaðkvøld klokkan 19 verður finalan í X-Factor sangkappingini í Danmark.
Fyri fyrstu ferð nakrantíð eru tveir føroyingar í finaluni. Tina Mellemgaard úr Hoyvík og Kári Fossdalsá av Toftum skulu kappast við einasta danska luttakaran í finaluni, Mads Moldt um at vinna X-Factor kappingina.
Sambært stóru statsligu veddingarfyritøkuni, Danske Spil er Mads Moldt greiður favorittur til at vinna X-Factor kappingina, meðan tað sambært Danske Spil er púra opið millum Tinu og Kára um hvør endar næstovast.
Oddsini hjá Danske Spil uppá hvør vinnur X-Factor eru hesi:
Mads Moldt vinnur X-Factor: 1,45
Tina vinnur X-Factor: 5,00
Kári: vinnur X-Factor 5,00
Tina ella Kári vinna: 2,50
Hetta merkir, at um onkur setir 100 krónur á, at Mads Moldt vinnur so fær viðkomandi 145 krónur aftur um Mads Moldt vinnur X-Factor. Setir onkur 100 krónur á, at t.d. Tina vinnur fær viðkomandi 500 krónur aftur um Tina vinnur X-Factor.
Danske Spil bjóðar eisini eina gardering sum er, at antin Tina ella Kári vinna, og tá er vinningurin 250 krónur fyri 100 krónur settar á tað veddimálið.
Danske Spil bjóðar eisini odds uppá hvør blívur nummar trý í finaluni í X-Factor. Og tey oddsini vísa eisini greitt, at oddssetarnir hjá Danske Spil trúgva ikki uppá ein føroyskan sigur í X-Factor finaluni.
Oddsini hjá Danske Spil um hvør gerst nummar trý í X-Factor finaluni eru hesi:
Kári blívur nummar trý í finaluni: 2,00
Tina blívur nummar trý í finaluni: 2,00
Mads Moldt blívur nummar trý í finaluni: 8,00
