Næstan 80 prosent av danska fólkinum eru væl nøgd við Margrethu drotning og hús hennara, og bara ein lítil minniluti vil hava ein forseta heldur enn drotningina. Tað sæst í einari meiningakanning, sum Megafon hevur gjørt fyri Politiken.
Í kanningini siga 77 prosent av teimum spurdu, at tey vilja varðveita kongshúsið. 16 prosent vilja heldur skipa Danmark sum lýðveldi við forseta.
Um góðar tvær vikur eru 40 ár, síðani Margretha drotning tók við trúnuni eftir faðir sín, Fríðrik 9.
