At tryggja øllum børnum ein mennandi gerandisdag er fremsta skylda okkara, sum kommuna og sum samfelag. Næstan øll børn (omanfyri 95%) undir skúlaaldri eru hvønn dag á dagstovni í Tórshavnar Kommunu. Men umstøðurnar at arbeiða á dagstovnaøkinum eru ikki nóg góðar. Stót trot er á námsfrøðingum, og av teimum sum eru, velja fleiri teirra økið frá, av teirri einføldu orsøk, at tað er ov strævið.
Tí skal dagstovnaøkið uppraðfestast. So tað munar.
Hesi mál skulu avgreiðast á dagstovnaøkinum so skjótt sum møguligt:
- Fleiri námsfrøðilig starvsfólk skulu inn á alt dagstovnaøkið – og betri normeringar
- Námsfrøðingar skulu fáa møguleika at eftirútbúva seg
- Fyrireikingartíð
- Leiðslurnar á dagtovnunum skulu fáa leiðslurættin aftur
- Tað skal verða møguligt at arbeiða fulla tíð á dagstovni í Tórshavnar Kommunu
- Frítíðarskúlatilboð til 3. flokk í Badmintonhøllini skal setast á stovn
- Frítíðarskúlin Spírin skal varðveitast
- Børn við serligum tørvi skulu raðfestast
Lív til børnini er mítt fremsta mál at røkka tá eitt nýtt býráð fer til verka.
Helena Dam á Neystabø,
valevni fyri Javnaðarflokkin til Tórshavnar Býráð
