Áðrenn Linda Laksáfoss fekk fríar teymar í nýggja kamarinum, fekk hon boð um, at støðið skuldi takast í einari grønari og turkislittari pútu, sum Dóra segði seg vera so glaða fyri.
– Tað er so nógv lættari at hjálpa fólki, sum nøkulunda vita, hvat ið teimum dámar og ikki dámar.
– Og unga Dóra var deiliga avgjørd, tá ið vit fóru í býin at keypa til kamarið saman við mammuni, sigur Linda, sum er útbúgvin dekoratørur og arbeiðir sum innrættingarkonsulentur við síðuna av arbeiðinum sum lærari í Klaksvík.
Dóru dámar sera væl ítrótt og gongur til flogbólt, og tí valdi Linda at gera eitt ítróttatema í kamarinum, millum annað við bóltum, heiðursmerkjum og einari heimagjørdari Nike-lampu. n
