Tað er nú greitt, at eisini stóra tiltakið, har endamálið varð at savna pening saman til frama fyri krabbamein í Føroyum verður av ongum á hesum sinni.
Tiltakið, Føroyar móti krabba, skuldi verða í Norðurlandahúsinum 28. mars, men nú er gjørt av at útseta tað, skrivar Norðurlandahúsið.
Fyrireikararnir halda ikki, at ráðiligt er at skipa fyri so stórum og umfatandi tiltaki í løtuni, tá ið vandi er fyri, at corona smittan kann breiða seg millum øll tey, sum eru við í tiltakinum.
Tað er eisini stórur vandi fyri, at Krabbameinsfelagið, Kringvarpið og Norðurlandahúsið, verða løgd lamin, tí at ein stórur partur av teirra arbeiðisfólki er savnað til tiltakið, og eru í vanda fyri at verða smittað, siga tey.
Enn er einki upplýst um, nær tiltakið so verður.
