Talan er um ein persón, sum hevur verið í Danmark. Viðkomandi fleyg til Føroya mánadagin. Smittaði persónurin hevur tað gott og er í løtuni avbyrgdur heima við hús.
Landslæknin er farin í gongd við at kanna nærri, hvørjir persónar smittaði føroyingurin hevur verið í samband við. Kanningin fer at avgera, hvørjir aðrir persónar skulu avbyrgjast.
Tað vórðu gjørdar 24 kanningar í gjár, og tann eina var positiv.
Í løtuni eru í alt tríggir føroyingar smittaðir.
