Manchester City vann í gjár eftirbrotssparkskapping móti Sevilla í UEFA Super Cup, sum er dysturin millum Champions League vinnararnar og Europa League vinnararnar.
Tað var annars Sevilla, sum kom á odda í fyrra hálvleiki. Youssef En-Nesyri stútaði eitt millimetur neyvt innlegg frá argentinska heimsmeistaranum á vinstra bakki, Marcos Acuna. Seinnnevndi verður í løtuni settur í samband við Premier League og Aston Villa.
Manchester City legði í seinna hálvleiki eitt stórt trýst á Sevilla, men sponsku Europa League vinnararnir svaraðu aftur við skjótálopum. Tað endaði við at ungi Cole Palmer stútaði eitt innlegg í málið til 1-1. Hann væntast at fáa ein størri leiklut í ár.
Í brotssparkskappingini blivu níggju tey fyrstu brotsspørkini sparkaði í málið. Eftir stóð Nemanja Gudelj hjá Sevilla, sum sendi bóltin í tvørstongina. Nú manglar bara HM fyri lið, so hevur Manchester City vunnið øll steypini á ovastu rók.
Eftir dystin var venjarin hjá Manchester City, Pep Guardiola, ikki bara glaður. Spottandi takkaði hann Premier League fyri, at Manchester City skal spæla aftur longu leygardagin – og ikki sunnudagin ella mánadagin. Manchester City skal spæla móti Newcastle.
