BILAR
Magnus Gunnarsson
Tá C3 bleiv vístur sum prototypa fyri trimum árum síðan, hevði hann eitt stórt el-drivið lamellsóltak, sum nú verður at fáa sum eykaútgerð. Eins og í prototypuni, C3 Lumière, verður elektrisk servostýring standard. C3 verður eisini at fáa við teimum heilt nýggju dieselmotorunum frá PSA, við beinleiðis innspræning. Hesir motorarnir verða: 1.4 HDi við 70 hk, og 1.4 HDi 16V við 92 hk.
Barnatryggur
Citroën C3 verður ein bilur, har tað er høgt millum loft og gólv, við stórum rútum og góðum útsýni. Bilurin er 3.85 m langur, 1.67 m breiður og 1.52 høgur. Nógv verður gjørt burturúr trygdini, við 6 airbag, harav tvær airbag-gardinur, eins og barnafamiljur kunnu nýta gott av einum »barnapakka«, har t.d barnasikringin í hurðunum verður stýrd frá instrumentborðinum, og eitt eykaspegl er til at halda eyga við børnunum undir koyring.
Kelda: FDM / Motor
