Sum skilst fekk Christian Andreasen 15 atkvøður og Beinir Johannesen 12 atkvøður.
27 fólk eru í floksleiðsluni hjá Fólkaflokkinum, sum velur formann í flokkinum.
Sum in.fo skilir, so fekk Beinir Johannesen ikki fullan stuðul úr sínum egna valdømi. Fýra av ting- og landsstýrismanning floksins eru úr Klaksvík: Beinir Johannesen, Elsebeth Mercedis Gunnleygsdóttur, Jákup Mikkelsen og Árni Skaale.
Sum in.fo skilir, atkvøddu Jákup Mikkelsen og Árni Skaale upp á Christian Andreasen, sum tí fekk 15 atkvøður. Um klaksvíkingar stóðu saman um lokala valevnið, so fekk Beinir Johannesen 14 atkvøður og Christian Andreasen 13.
