Seinna hálva av 2. umfari í bólkaspælinum í Champions League hevur verið í kvøld. Tað var málveitsla í Liverpool, har heimaliðið var á odda 3-0, áðrenn gestirnir úr Salzburg javnaðu til 3-3. Liverpool vann 4-3.
Bólkur E:
Liverpool byrjaði við fullari ferð og var á odda 3-0 eftir 36 minuttinum við málum frá Sadio Mané, Andy Robertson og Mohamed Salah. Gestirnir úr Salzburg, sum eru stuðlaðir av orkudrykkinum RedBull, vendu øllum í seinna hálvleiki. Eitt skifti var 3-3, men so skoraði Mohamed Salah aftur til 4-3. Napoli spældi eitt sindur óvæntað málleysan javnleik móti Genk. Napoli er oddalið við fýra stigum, meðan Liverpool og Salzburg hava trý stig í part.
Bólkur F:
Borussia Dortmund vann fyrr í dag 2-0 á Slavia Prag, meðan stóri dysturin var millum FC Barcelona og Inter Milan. Her komu gestirnir á odda longu aftaná tríggjar minuttir. Aftursvarið hjá FC Barcelona kom ikki fyrr enn í seinna hálvleiki, tá Luis Suarez skoraði tvær ferðir.
##med2##
Dortmund og FC Barcelona hava fýra stig, meðan Inter Milan hevur eitt.
Bólkur G:
Lyon og Zenit vunnu sínar dystir í bólki G. Lyon vann 2-0 á RB Leipzig úr Týsklandi og Zenit vann heima í Russlandi 3-1 á Benfica. Lyon og Zenit hava fýra stig í part á fyrsta og øðrum plássi.
Bólkur H:
Ajax heldur fram at spæla væl í Champions League, eftir at liðið kom í hálvfinaluna seinast. Hesa ferð vann hollendska stórfelagið 3-0 á útivølli móti Valencia. Chelsea er undir umbygging og tað gongur framá hjá Frank Lampard og hansara monnum. Chelsea vann 2-1 á útivølli móti Lille.
Ajax hevur fult stigatal, meðan Chelsea og Valencia hava trý stig í part.
Bólkur E:
Genk – Napoli 0-0
Liverpool – RedBull Salzburg 4-3
Bólkur F:
Slavia Prag – Borussia Dortmund 0-2
FC Barcelona – Inter Milan 1-1
##med3##
Bólkur G:
RB Leipzig – Lyon 0-2
Zenit – Benfica 3-1
Bólkur H:
Lille – Chelsea 1-2
Valencia – Ajax 0-3
