Norski framherjin John Carew er so fegin um at spæla við enska felagnum Aston Villa, at hann kundi hugsa sær at spæla har restina av yrkisleið sínari.
- Eg elski at vera her. Eg elski fótbóltin og felagið. Viðhaldsfólkið hevur verið ótrúligt, og eg fari ongantíð at gloyma tey, sigur John Carew við blaðið The Sun.
30 ára gamli Carew hevur spælt í Aston Villa síðani 2007, og hann hevur skotið 27 mál í 77 dystum fyri felagið.
