Klaksvík: Á býráðsfundi týskvøldið samtykti Klaksvíkar býráð, at ein nýggjur vatnbrunnur skal gerast í Ánagjógv ? stutt norðan fyri Klaksvík.
A hesum staðnum er ein vatnbrunnur frammanundan, men Klaksvíkar kommuna heldur, tað verða neyðugt við einum brunni afturat.
Hetta skal tryggja, at nóg mikið av vatni altíð er at fáa í Klaksvík, og at kommunan altíð kann halda sína avtalu við SEV um lata vatn.
Brunnurin í Ánagjógv letur sóttreinsað vatn til eystara arm og til virkini. Restin av Klaksvík fær vatn frá goymslunum Niðan Horn, men har er vatnið ikki sóttreinsað sum er.
Í løtuni verður eitt reinsiverk gjørt har, so allir klaksvíkingar í framtíðini kunnu fáa sóttreinsað vatn.
Arbeiðið at gera nýggjan vatnbrunn í Ánagjógv fer at kosta 2,2 milliónir krónur, og ætlanin er, at arbeiðið skal setast í gongd í summar.
