Í mai í fjør varð samtykt at geva tilsøgn til, at vindmyllur kunnu byggjast í Flatnahaga. Mett varð, at tað var hóskandi at seta fleiri vindmyllur á økið, sum frammanundan hevur vindmyllur.
Ætlanin er at seta seks vindmyllur av slagnum Enercon E82 upp í økinum. 76 metrar eru upp til tornið á hesum og breiddin á veingjunum er 82 metrar. Soleiðis eru tær nakað størri enn vindmyllurnar í Húsahaga, sum eru 67 metrar.
Øki liggur í fjóðra grundumráði, sum millum annað skal nýtast til landbúnað og frílendi. Tí skal øll bygging gerast sambært serstakari byggisamtykt. Haraftrat er teknisk útgerð, sum Arktisk Kommando hevur ræði á, á lendinum. Tryggjast má tí, at vindmyllulundin ikki órógvar virksemið hjá Arktisk Kommando.
Málið er avgreitt í byggi- og býarskipanarnevndini.
