Handilslívið setur hol jólasøluna við eini ørgrynnu av tilboðum, kappingum og undirhaldi. Afturat jólasøluni í ymsu handlunum ber eisini til at taka eina jólamynd inni á Visit Runavík, eta lekkran mat á Street Food økinum, hoyra søgur á Bókasavninum, síggja listaframsýning í Gulu Smiðju, fara til stand-up, bókaprát og konsert í Løkshøll og uppliva pop-up marknaðin í gamla býráðssalinum.
Handlarnir hava opið frá kl.10:00 til miðnátt leygarkvøldið 2. november og frá kl.14:00 til kl. 20:00 sunnukvøldið 3. november.
