Burn: KÍF vann slagið um Norðurstreymoy

Í kvøld var grannauppgerð í Burn mansdeildini í høllini í Kollafirði, har KÍF tók móti VÍF.

Tað eydnaðist kollfirðingum at vinna slagið um Norðurstreymoy við teprum 25-24 sigri. Í steðginum var VÍF á odda 13-9.

Tá 33 minuttir vóru leiktir av dystinum var VÍF á odda 15-10. Tólv minuttir seinni var KÍF komið upp á javnleik 19-19, og fylgdust liðini tað sum eftir var av dystinum. Bárður Dam skoraði sigursmálið til 25-24 tá 28 sekund vóru eftir av dystinum.

Bárður Dam gjørdist eisini toppskjútti hjá KÍF við seks málum. Filip Jojic var toppskjútti hjá VÍF, somuleiðis við seks málum. 

Í Badmintonhøllini í Klaksvík vann StÍF stórsigur 36-24 (18-12) á Team Klaksvík. Tíverri er eingin dómaraseðil tøkur frá tí dystinum. 

HER ber til at síggja dómaraseðilin hjá HSF frá dystinum millum KÍF og VÍF:

##med2##