Minst 9 eru deyð og 47 eru særd í eini bumbuatsókn móti undigrundsbananum í Sankta Pætursborg.
Ein bumba brast í einum av tokvognunum á undirgrundarbreytini í russiska stórbýnum tíðliga seinnapartin. Videomyndir vísa, at ein maður letur eitt kuffert standa eftir umborð á einum vogni og stutt seinni fer kuffertið í luftina.
Stutt eftir spreingingina varnaðust fólk eitt annað kuffert á eini metrostøð nærindis. Russiska trygdartænastan megnaði at oyðileggja hesa bumbuna, áðrenn hon brast.
Undirgrundarbreytirnar í Sankta Pætursborg eru stongdar og trygdin á flogvøllinum herd.
Russiski forsetin, Vladimir Putin, er í Sankta Pætursborg í dag, har hann hevur verið á fundi við Aleksander Lukasjenko, forseta í Hvítarusslandi.
