ÍF hevur havt aðalfund og trý nýggj fólk eru komin í nevndina. Tey eru øll kend andlit í felagnum. Magnus Jørmundsson, fyrrverandi formaður, og Linda Joensen og Kristine Ellingsgaard. Dan Petersen heldur fram sum formaður. Birgar Larsen er næstformaður. Tiltakslimir eru Katrin Madsen, Hildigarð Eliasen og Georges Rouah, skrivar heimasíðan hjá ÍF.
ÍF flutti í ár upp í bestu deildina. Felagið hevur gjørt sáttmála við fleiri av núverandi spælarunum, meðan Henry Heinesen er komin til úr KÍ.
Nevndin hevur skipað seg:
Dan Petersen, formaður
Birgar Larsen, næstformaður
Magnus Jørmundsson, peningarøkil
Linda Joensen, skrivari
Kristine Ellingsgaard, nevndarlimur
Tiltakslimir eru Katrin Madsen, Hildigarð Eliasen og Georges Rouah
