Í gjár vóru sera nógvir bátar á Norðhavinum, og líkindini vóru eisini góð. Hetta er nevniliga besta snellutíð á norðanfyri.
Fiskiveiðieftirlitið veit at siga, at útróðrarbáturin Bláaberg úr Klaksvík fyrrapartin í gjár fekk motortrupulleikar einar 12 fjórðingar norður úr Kallinum.
Vaktar-og hjálparskipið Brimil sleipaði útróðrarbátin til Klaksvíkar.
Sum skilst var snellufiskiskapurin á Norðhavinum ikki nakað serligur í gjár, tó at líkindini vóru góð, og vertíðin er í hæddini.
Tað er Dávur Joensen, sum hevur tikið viðheftu mynd.
