Boð vórðu í gjár send eftir vaktarskipinum Brimil, tá ein útróðrarbátur fekk trupulleikar út fyri Suðuroynna.
Tað var seinnapartin í gjár, at MRCC-støðin fekk eina fráboðan um, at ein útróðrarbátur hevði fingið okkurt um skrúvuna og tí hevði brúk fyri hjálp fyri at koma aftur í havn. Tá var útróðrarbáturin staddur í ein útsynning úr Suðuroynni.
Vakthavandi á MRCC-støðini upplýsir, at boð vórðu send eftir Brimil, ið sigldi suður til útróðrarbátin og sleipaði hann síðan til Vágs. Brimil og útróðrarbáturin komin til Vágs seint í gjárkvøldið.
