Bretland sleppur ikki út ES uttan víðari. Hóast ein fólkaatkvøða seinasta summar staðfesti, at ein meirluti av bretska fólkinum vildi úr ES, so eru tað fleiri, ið ikki vilja góðtaka úrslitið uttan víðari.
Í fjør legði eini bólkur málið fyri ein dómstól og bar tey taka støðu til, um ikki parliamentið í Westminster skuldi taka støðu til málið áðrenn bretska stjórnin kundi fara undir samráðingarnar við ES um ein úrtøku.
Dómstólurin kom til tað niðurstøðu, at ein úrmelding úr ES hevði so stóra prinsipiellan týdning fyri samfelagið í Bretlandi, at parliamentið átti at taka støðu til málið áðrenn stjórnin fekk heimild at samráðast.
Nú hevur hægsti rættur í Bretlandi staðfest sama dóm.
Stjórnin hjá Theresu May vildi annars verða við, at fólkið hevði talað á fólkaatkvøðuni og at politikkarar høvdu givið grønt ljós tá teir loyvdu fólkaatkvøðuni. Hesum er hægsti rættur ikki samdur í.
Tað verður tí ikk væntað, at ein meirluti í Westminster torir at noktað stjórnini heimild at samráðast um at fara úr ES, tí tað hevði gingið ímóti fólkaatkvøðuni.
Tí er hetta ein ein snávingarsteinur, ið stjórnin nokk skal koma yvir, men sum dregur tíðarlinjuni fyri eini úrtøku longur út. Væntandi taka samráðingarnar langa tíð. Kanska longur enn tey tvey árini, sum eru sett av. Tí er eisini ein møguleiki fyri, at ein nýggjur meirluti situr við valdið tá samráðingarnar eru lidnar. Um táverandi meirluti er soleiðis samansettur, at tey eru ímóti at fara úr ES, so liggur tað í teirra makt at atkvøða ímóti eini møguligar avtalu við ES um at fara úr.
