Tað verður ein stuttur túrur hjá føroyskum fótbóltsfjepparum at fara til EM-endaspælið á sumri í 2028.
EM-endaspælið verður í Onglandi, Írlandi, Norðurírlandi, Wales og í Skotlandi.
EM-endaspælið í 2032 verður í heitum londum. Italia og Turkaland vera vertir fyri EM-endaspælinum í 2032.
Upprunaliga høvdu Italia og Turkaland hvør sítt boð um at hýsa EM-endaspælinum í 2032, men valdu so at ganga saman um at hýsa EM-endaspælinum í 2032.
Hetta hevur evropeiska fótbóltssamgongan, UEFA samtykt í dag.
Italia var vertur fyri EM-endaspølunum í 1968 og í 1980. Ongland var vertur fyri EM-endaspælinum í 1996.
Írland, Wales, Skotland og Norðurírland hava ongantíð áður verið við til at hýsa einum EM-endaspæli.
EM-endaspælið í 2024 verður í Týsklandi.
