Tað skrivar BBC í kvøld.
Eftir læknaráðum er Boris Johnson lagdur inn á sjúkrahús, tí hann alsamt hevur sjúkueyðkenni upp á koronavirus.
Bretski forsætisráðharrin, Boris Johnson er í kvøld innlagdur á sjúkrahús fyri at verða kannaður enn einaferð, 10 dagar eftir at hann varð kannaður positivur við koronavirus.
Hann hevur varandi sjúkueyðkenni upp á sjúkuna, sigur skrivstovan hjá Boris Johnson í Downing Street í kvøld.
Skrivstovan hjá forsætisráðharranum lýsir hetta sum eitt »varsemistiltak«, at hann nú er lagdur inn á sjúkrahús.
– Eftir ráðum frá lækna hansara er forsætisráðharrin í kvøld lagdur á sjúkrhaús fyri at fáa tikið royndir, sigur Downing Street.
Tann 27. mars boðaði Boris Johnson frá, sum fyrsti stjórnarleiðari í heiminum, at hann var smittaður við koronavirus. Síðani tá hevur hann verið í sóttarhaldi í embætisbústaði sínum í Downing Street.
Fríggjadagin boðaði hann frá, at hann framvegis hevði fepur.
/ritzau/Reuters
