Men politiið hevur eina heimasíðu, www.politi.fo. Har ber til at geva politinum tipp og viðmerkingar. Politiið heitir beinleiðis á fólk um senda teimum tipp:
»Politiið hevur fyri neyðini at fáa kunning frá fólki til tess at kunna fyribyrgja og greiða brotsgerðir og skapa tryggleika í samfelagnum.
Um tú veitst okkurt, sum kann hjálpa politinum, kanst tú kunna politiið á ymsan hátt, t. d. her á heimasíðuni. Tú kanst eisini ringja ella venda tær persónliga til politistøðina.
Hevur tú tipp ella viðmerkingar til politiið, kanst tú skriva í teigarnar niðanfyri og trýsta á ”send”.«
Hetta er sera einfalt. Umframt hetta, so eiga foreldur at vera meira vakin og fylgja við, hvat tey ungu fáast við. Tað er ein grundleggjandi skylda í tí at vera foreldur. Systkin og vinfólk eiga eisini sýna hesum áhuga, tí vit eiga øll »at varða um næsta okkara«, sum skrivað stendur. Gera vit øll tað, so koma vit hesum meiningsleysa trupulleika til lívs.
