Blues Perlan var á fyrsta sinni í fjør, og nú fer Perlan í Tórsgøtu aftur at swinga við bluestónleiki eitt heilt leygarkvøld. Tiltakið í fjør eydnaðist avbera væl, og tí verður roynt aftur í ár, meir ella minni við somu manning.
Sámal Ravnsfjall spælir sín trubadurkenda blues. Froðbiar Sóknar Bluesorkestur kemur sunnan í frá við sínum eyðkendu bluestulkinum, meðan Holgar Jacobsen við manning kemur úr Vágunum við nýggjum tilfari.
Ragnar Finsson og Punjab eru ung nøvn sum eftirhondini hava sligið seg fast innan føroyskan tónleik, og fara hesir, umframt Sigmund & Bøhmennirnir at mynda tann yngra partin av spælarum hetta kvøldið.
Áki Hermansen er eitt nýtt spennandi navn, meðan Uni Debess sjálvandi er við eisini.
