Nógv fólk vóru møtt upp á Sandinum, tá G! Festivalurin bjóðaði gestunum eina ókeypis máltíð.
Í ár var tað ein saltfiskarættur, ið var á matseðlinum, og vóru tað kokkarnir á Hotel Føroyum, ið høvdu gjørt rættin.
Rætturin hevði eisini eitt ávíst tilknýti til lokalumhvørvið, tí sjálv rávøran var frá PRG saltfiskavirkinum í Gøtu.
Meðan gestirnir fingu høvi at royna hendan forkunnuga rættin, trinu Spælimenninir á pall og framførdu síni eyðkendu fólkaløg, og gjørdu harvið sítt til at leggja lunnar undir eina hugnaliga løtu á seinasta degnum á G!
