Neyð lærir nakna kvinnu at spinna, plagar fólk at taka til, og orðatakið sømir seg væl til 90 ára gomlu Annie.
Fyri tveimum árum síðani misti hon førleikan í aðrari hondini, og tí lá illa fyri at halda á at binda. Tó so, fysioterapeuturin Hugin visti um ráð. Hann gav Annie hugskotið at binda við einari hond og saman við Súsonnu, sum arbeiðir á Boðanesheiminum, lærdi Annie seg so at binda við einari hond.
Soleiðis kann hon halda á at gleða bæði ommu og langommubørn við góðum, heitum ullvørum.
