Vaktleiðarin visti í morgun at siga, at hóast kavi nú hevur ligið í nakrar dagar, hevur ferðslan sum heild gingið væl.
Fyrrapartin í gjár hendi tó eitt ferðsluóhapp í J.C. Svabosgøtu í Havn.
Tað var ein bilur, sum gleið á vegnum og rendi frontalt í ein buss hjá Bussleiðini. Hendingin fór fram vestan fyri Landssjúkrahúsið.
Vaktleiðarin visti í morgun at siga, at her var eingin persónsskaði, men persónbilurin fekk stóran materiellan skaða.
- Tað var hált, og bilførarin á persónbilinum misti tamarhaldið og gleið fyri bussin. Persónbilurin endaði í skeivari síðu á vegnum.
Vaktleiðarin leggur aftrat, at tíbetur hendi eingin pesónsskaði í ferðsluóhappinum í gjár.
