Hóskvøldið nakað fyri klokkan sjey hendi álvarsligur samanstoytur við Streymin.
Tríggir bilar vóru við í óhappinum, og tvær kvinnur, sum vóru í eina bilinum, vóru fluttar á Landssjúkrahús við smærri snuddum.
Tær báðar kvinnurnar, sum eru um seksti ára aldur, vóru í bili sum var á veg suðureftir.
Bilurin hjá teimum gleið í nógv hálkuni og kom yvir í mótkoyrandi breytina. Fyrst koyrdi bilurin inn í bilverjuna, og síðani rendi hann inn í mótkoyrandi bil.
Hálkan var orsøk
Ein triði bilur, sum eisini var á veg suðureftir, varð eisini raktur.
Bilurin, sum tær báðar kvinnurnar vóru í, fekk stóran skaða, meðan hinir báðir bilarnir fingu minni skaða.
Løgreglan í Havn sigur, at tað var sera hált hóskvøldið, og at tað var hálkan, sum var orsøkin til óhappið við Streymin.
