Seinnapartin í gjár klokkan 15:10 fekk løgreglan boð um, at ein bilur hevði rent í bilverjuna á Kaldbaksvegnum Sundi.
Tað var bara ein bilur í óhappinum, og hann fór so illa, at hann fekk ikki koyrt av staðnum.
Vaktleiðarin sigur, at boðað er ikki frá fólkaskaða, men sjúkrabilur, løgregla og sløkkilið komu á staðið.
Tveir aðrir bilar fingu eisini skaða av lutum, sum komu frá bilinum, sum rendi í bilverjuna.
Bilurin, sum fekk so mikið stóran skaða, at hann ikki kundi koyra, varð fluttur av staðnum, og fólkini í bilinum vórðu eisini kannað á staðnum.
