Løgreglan fekk klokkan 18.16 fráboðan um eitt lítið ferðsluóhapp millum Skipanes og Skálafjørð. Talan var um ein bil, ið var farin út av Fjarðarvegnum.
- Talan er um eitt soloóhapp. Bilførarin var komin ov langt út í vegjaðaran og fór út av, upplýsir vakthavandi á løgreglustøðini.
Sjúkrabilur og løgreglubilur vóru skjót á staðnum og hóast bilførarin tyktist at koma snikkaleysur frá óhappinum, bleiv hann fluttur á Landssjúkrahúsið til nærri kanningar, ið siðvenja er, tá fólk eru í einum ferðsluóhappi.
